Konsensya, at hindi ang Diyos ang kumausap kay Pangulong Duterte ayon sa isang Obispo
Binigyang diin ni Sorsogon Bishop Arturo Bastes na hindi ang Diyos ang kumausap kay Pangulong Rodrigo Duterte kung hindi ang kanya mismong konsensya.
Ayon kay Bishop Bastes, ang konsensya ng pangulo ang mismong nagpaparamdam sa kanya.
Dagdag pa ni Bastes, tanging ang mga “holy and mystic persons” lang ang may pribilehiyong makausap ang Diyos.
Matatandaang ibinahagi ni Duterte ang kanyang naging karanasan mula sa kanyang flight mula sa Japan pauwi ng Pilipinas na kinausap siya ng Diyos kaugnay ng dapat na niyang itigil ang pagmumura kaya kanyang ipinangko na titigilan na niya ito.
Bukas naman kay Father Jerome Secillano ng Nuestra Senora del Perpetuo Socorro Parish ng Manila ang binitawang pangako ni Duterte.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.