District Director ng MPD, ipinatawag sa Camp Crame
Ipinatawag sa National Headquarters ng Manila Police District sa Camp Crame ang District Director ng Manila Police District na si Sr. Supt. Joel Coronel.
Nasa kalagitnaan ng command conference si Coronel at pinupulong ang kanyang mga opisyal nang ito ay makatatanggap ng tawag muka sa national headquarters ng PNP.
Pinupulong ni Coronel ang kanyang mga opisyal kaugnay sa nangyaring madugong dispersal kahapon sa harap ng US Embassy.
Hindi naman malinaw kung ano ang dahilan kung bakit ipinatawag ang pinakamataas na opisyal ng Manila Police.
Bago ito, kinausap na ni Coronel ang sinibak na Deputy District Director Sr. Supt. Marcelino Pedroso kaugnay sa marahas na dispersal.
Samantala, pinaiimbestigahan ni Pangulong Rodrigo Duterte ang marahas na dispersal sa mga rallyista sa US Embassy.
Ipinag-utos niya na alamin ang sanhi ng karahasan, at kung ano ang rason sa likod ng kilos protesta.
Ani Duterte, hindi muna siya maninisi sa kung sino ang may pagkakamali sa insidente.
Nais muna niyang makita ang iuulat ng pulisya at military maging ng Department of Interior and Local Government at ni Executive Secretary Salvador Medialdea.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.