Aktres na si Krista Miller, dalawa pang modelo, arestado sa anti-illegal drug operation ng QCPD
Arestado ng mga tauhan ng Quezon City Police District (QCPD) ang aktres na si Krista Miller, at dalawa pang modelo sa isinagawang anti-illegal drugs operation.
Si Miller o Krista Engle sa totoong buhay at ang dalawa pang suspek ay nakatakdang iharap sa media ngayong umaga sa Camp Karingal.
Si Miller ay naging kontrobersyal noon matapos na bumista sa ospital kung saan naka-confine ang convicted drug lord na si Ricardo “Chacha” Camata taong 2014.
Si Camata, na noon ay commander ng Sigue Sigue Sputnik Gang sa New Bilibid Prisons ay napaulat na nagpapunta ng “starlet at TV dancers” sa loob ng kaniyang room sa Metropolitan Medical Center sa Maynila, kung saan siya naka-confine dahil sa sakit sa baga.
Mismong si Camata din ang nagkumpirma na si Krista Miller ang naging bisita niya na nakita sa CCTV footage ng ospital.
Katwiran noon ni Miller, nagbebenta siya ng condominium unit kay Camata kaya siya nagpunta sa hospital room nito.
Ang nasabing insidente ay nagresulta sa pagkakasibak kay NBP Superintendent Fajardo Lansangan at 12 jail guards.
Maliban sa nasabing isyu, naging kontrobersyal din si Miller noong 2013 dahil siya ang itinuturong isa sa dahilan sa hiwalayang Cesar Montano at Sunshine Cruz.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.