Philippine Ambassador sa Germany pinagpaliwanag sa Hitler comment ni Duterte
Hindi katanggap-tanggap sa gobyerno ng Germany ang komento ni Pangulong Rodrigo Duterte patungkol sa dating lider ng Nazi na si Adolf Hitler.
Ito’y makaraang ikumpara ni Duterte sa masaker ng mga Jews o Hudyo ang kanyang kampanya kontra sa iligal na droga.
Ipinatawag ng German government ang Philippine ambassador doon para magpaliwanag sa nasabing isyu.
Sa kanilang statement sinabi ng German Foreign Ministry na hindi katanggap-tanggap o “unacceptable” ang anumang pagkukumpara sa holocaust.
Binigyang diin ni ministry spokesman Martin Schaefer na hindi maaaring ihalintulad sa pagkamatay ng nasa tatlong na milyong Jews ang anti-drug operation ng pamahalaan Duterte.
“Any comparison of the singular atrocities of the Holocaust with anything else is totally unacceptable,” ayon kay Schaefer.
Sa kanyang pahayag sinabi ni Pangulong Duterte, “Hitler massacred three million Jews. Now there are three million drug addicts (in the Philippines). I’d be happy to slaughter them…”
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.