Nagpalabas ang Korte Suprema ng Temporary Restraining Oorder na pumigil sa Department of Health at Food and Drugs Administration sa pag-apruba sa mga application para sa reproductive health products and supplies kasama na ang contraceptives.
Ito ay matapos sabihin ng Korte Suprema ang paglabag ng FDA sa due process ng Alliance for Family Foundation of the Phils. Inc., na kumuwestiyon sa certification at recertification ng kinukuwestiyong contraceptive drugs.
Giit ng SC, sinertipikahan, binili at pinangasiwaan ng FDA ang kinuwestiyong gamot ng walang ‘due process’ at public hearing sa kabila ng pagtutol ng naturang grupo.
Sakop ng kautusan ang kaso ng mga gamot na ‘Implanon’ at ‘Implanon NXT’ na ang pagbebenta ay pinigil na ng korte noong nakaraang taon.
Nais ng petitioner na tukuyin muna kung ang mga naturang gamot ay ‘abortifacient’ o hindi gayundin ang mahigit sa 70 pang contraceptive drugs.
Ang mga ‘abortifacient’ ay mga gamot na nagdudulot ng pagkalaglag ng sanggol mula sa sinapupunan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.