Bagong traffic scheme ipatutupad na sa Quezon City
Umpisa sa darating na Huwebes (September 15), magpapatupad ang Quezon City Department of Public Order and Safety ng bagong traffic management scheme at re-rerouting plan sa Barangay South Triangle.
Layunin nito na pagaanin ang trapiko sa kahabaan ng Quezon Avenue hanggang Welcome Rotonda.
Ayon kay Elmo San Diego, hepe ng Department of Public Order and Safety (DPOS) ng Quezon City, ang bagong traffic management scheme ay kanilang ipapatupad sa pakikipag ugnayan sa Metro Manila Development Authority (MMDA).
Bahagi ng bagong traffic scheme ay ang pagpapasara sa mga u-turn slots sa kahabaan ng Quezon Avenue mula West Avenue intersection hanggang Edsa at pagbubukas ng intersection sa Quezon Avenue kanto ng Scout Borromeo at West 4th.
Kasama din dito ang implementasyon ng two-phase traffic signal system sa Quezon Avenue – Examiner/Scout Albano Streets.
Umaasa si San Diego na mas bibilis ang daloy ng trapiko mula sa Quezon Avenue hanggang Welcome Rotondoa dahil sa bagong traffic plan.
Bagamat experimental pa lamang, kung maganda ang kalalabasan ay plano nilang isama sa nasabing traffic scheme ang mga barangay ng Paligsahan, Roxas, Laging Handa, Kamuning at E. Rodriguez.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.