Inaalam ngayon ng Philippine Drug Enforcement Agency (PDEA) kung miyembro ng African drug syndicate ang dalawang Nigerian na nahuli nila sa Dagupan City, Pangasinan noong nakaraang Miyerkules.
Sa report ng PDEA regional office 1, ang dalawang suspek ay inaresto sa kalagitnaan ng pot session sa loob ng isang apartment sa barangay Pogo, Dagupan City matapos na makatanggap ng tip mula sa isang concerned citizen.
Kinilala ang dalawa na sina Emmanuel Divine Ugochukwu, 29-anyos at Stephen Samuel Anoruo, 30-taong-gulang na parehong mga estudyanteng mula sa Nigeria.
Nakumpiska mula sa mga ito ang isang plastic sachet ng shabu, limang gramo ng pinatuyong dahon ng marijuana at ibat ibang drug paraphernalia.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.