Pagsisilbi ng ejection order sa may-ari ng isang hotel sa Maynila, nauwi sa tensyon

By Chona Yu September 09, 2016 - 12:42 PM

Inquirer Photo/Marianne Bermudez
Inquirer Photo/Marianne Bermudez

Nagkakaroon ng tensyon sa Plaza Nuestra Señora De Guia kanto ng Alhambra St. sa Ermita, Maynila kaugnay sa ihahain sanang ejection order ng korte.

Isisilbi sana ni Manila Court Sheriff Ferdinand Callera ang kautusan laban sa may-ari ng Rhema Parousia Hotel na si Marilou Balwart nang ito ay manlaban.

Ayon kay Callera tinutukan sila ng Uzi na baril ni Balwart dahilan para arestuhin ito ng mga pulis.

Maging ang dalawang guests ng hotel na si Octavio Delboso at isang Arkin Genica ay kasama sa mga pinosasan ng mga pulis at inaresto.

Kuha ni Jomar Piquero
Kuha ni Jomar Piquero

Sinabi naman ni Supt. Albert Barot, hepe ng Station 5 ng Manila Police District (MPD), maging siya ay tinutukan ng baril ni Walbart.

Kasong grave threat at attempted murder ang maaring kaharapin ni Walbart dahil sa kaniyang ginawa.

Nabatid na nagkaroon ng kaso si Walbart sa sala ni Judge Maria Cristina De Pio Lim ng Metropolitan Court Branch 24 subalit natalo ito.

Dahil dito, ite-take over na ang hotel ng Nissian Hostellery Group Incorporated ang lugar kung saan isang ginoong Vergil De Dios ang kumakatawan na may-ari nito.

 


 

TAGS: Rhema Parousia Hotel, Rhema Parousia Hotel

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.