Muling magpapatupad ng dagdag presyo sa produktong petrolyo ang ilang kumpanya ng langis bukas, August 30.
Sa abiso ng Shell at Flying V, nakasaad na tataas sa 50 centavos kada litro ang presyo ng gasolina habang ang presyo ng diesel ay tataas sa 15 centavos kada litro at 20 centavos kada litro naman ang presyo ng kerosene o gaas.
Maging ang Phoenix Petroleum at Eastern Petroleum ay magtataas din ang presyo ng gasolina sa 50 centavos kada litro at 15 centavos kada litro naman sa presyo ng diesel.
Epektibo mamayang hatinggabi ang dagdag presyo ng Flying V habang ang Shell, Phoenix Petroleum at Eastern Petroleum ay ipapatupad ang taas presyo bukas ng alas sais ng umaga.
Ang nasabing adjustment ay ikatlo na sa serye ng oil price increase. Ito’y bunsod pa rin ng paggalaw ng halaga ng langis sa pandaigdigang merkado.
Inaasahang susunod din sa pagpapataw ng dagdag presyo ang iba pang kumpanya ng langis.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.