De Lima, top illegal drugs protector ayon kay Duterte
Tahasang itinuro ni Pangulong Rodrigo Duterte si Senador Leila de Lima na pinakamataas na opisyal ng gobyerno na sangkot ngayon sa ilegal na droga.
Sa ambush interview sa pangulo matapos ang oath taking ng 76 bagong heneral ng Armed Forces of the Philippines, sinabi ng Chief Excutive na mayroon siyang ilalabas sa susunod na linggo na matrix o listahan ng mga drug personalities sa New Bilibid Prisons sa Muntinlupa City.
Ayon sa pangulo, bukod kay de lima kasama rin sa ilalabas na matrix si dating Justice Usec. Francisco Baraan.
Mayroon din isang gobernador na kaibigan ng pangulo ang kasama sa matrix.
Sa ngayon ayon kay Duterte, bineberipika nya ng husto ang naturang matrix bago ilabas sa publiko sa susunod na linggo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.