Conor McGregor, wagi sa kanilang rematch ni Nate Diaz sa UFC 202
Panalo si UFC featherweight champion Conor McGregor sa rematch nila ng katunggaling si Nate Diaz kasunod ng majority decision sa UFC 202 sa T-Mobile Arena sa Las Vegas.
Sa unang round pa lamang ng laban ay nagpakawala na ng malalakas na suntok si McGregor dahilan para mapagbagsak agad nito si Diaz.
Hindi naman nagpatalo si Diaz sa kalagitnaan ng laban dahilan para makabawi ito sa Irish superstar.
Ngunit sa huling round ay ibinuhos ni McGregor ang kanyang buong lakas at muli nitong napabagsak si Diaz.
Makalipas ang limang round, inilabas na ng mga hurado ang scorecards na nagsasabing wagi si McGregor kontra kay Diaz.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.