SC bumuo ng fact-finding team para sa mga hukom na dawit sa droga
Magsasagawa na ang Supreme Court ng sarili nitong fact- finding investigation sa pagkakasangkot ng apat na miyembro ng Judiciary na kasama sa drug watchlist ni Pangulong Rodrigo Duterte.
Ayon kay Supreme Court Spokesman Atty. Teodore Te, alinsunod din sa resolusyon ng Korte Suprema ay inatasan nito si retired Justice Roberto Abad na pangunahan ang gagawing imbestigasyon.
Inatasan din ng Supreme Court sina PNP Chief Ronald dela Rosa at Philippine Drug Enforcement Agency (PDEA) Director General Isidro Lapeña na magsumite ng kanilang mga ebidensya sa mga isinasangkot na hukom sa droga.
Binigyan naman ng Supreme Court si Justice Abad ng 30- araw matapos na matanggap ang mga sagot ng apat na hukom para tapusin ang imbestigasyon at magsumite ng rekomendasyon.
Nilinaw naman ni Te na isang fact-finding at hindi administrative investigation ang nasabing pagsisiyasat.
Magugunitang nagalit si Pangulong Rodrigo Duterte nang kwestiyunin ni Chief Justice maria Lordes Sereno kung saan kinuha ng pangulo ang detalye hingil sa pagkakasangkot ng ilang mga hukom sa sindikato ng droga sa bansa.
Pero kalaunan ay humingi rin ng paumahin ang pangulo sa Chief Justice hingil sa kanyang mga binitawang pananalita.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.