American MMA fighter Brandon Vera, bumisita at nagpa-picture kay PNP Chief Dela Rosa
Masayang ibinahagi sa social media ni mixed martial arts (MMA) fighter Brandon Michael Vera ang larawan nito kasama si Philippine National Police chief Director General Ronald Dela Rosa.
Sa kaniyang Facebook post, sinabi ng tanyag na Filipino-American MMA fighter na ang makilala ng personal si Dela Rosa ang isa sa pinaka-maipagmamalaking bahagi ng kaniyang buhay.
Masaya din si Vera nang isuot pa ni Dela Rosa ang kaniyang title belt bilang kasalukuyang ONE Fighting Championship heavyweight champion.
“Had the pleasure of getting an appointment and meeting General Bato 👊🏾today at Camp Crame one of the proudest moments of my life thus far. He even wore my @onechampionship HWT belt!!!! No kidding I was kinda fan girlin’ today. I managed to get the words out and asked him to watch the fight when it happens next (depends on schedules). Maraming Salamat sa inyong aruga sa aming lahat,” nakasaad sa Facebook post ni Vera.
Ang nasabing larawan ay ibinahagi din ni Dela Rosa sa kaniyang Facebook page.
Bagaman pinoy ang kaniyang ama, si Vera ay laking Norfolk, Virginia, USA.
Kasalukuyang nasa bansa ngayon si Vera para sa isang pelikula na pagbibidahan niya at ng aktres na si Anne Curtis na mayroong working title na “Buy Bust”.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.