Belmonte isinantabi na ang pagtakbo sa House speakership, LP sasali na sa supermajority
Hindi na tatakbo si Liberal Party stalwart at Quezon City Rep. Feliciano Belmonte Jr sa speakership race sa 17th Congress.
Sa halip, sasama na raw si Belmonte at ang LP sa super majority ni incoming House Speaker Pantaleon Alvarez na siyang may basbasa ni Pangulong Rodrigo Duterte.
Ayon kay Ilocos Norte Rep. Rodolfo Fariñas, na incoming House Majority Leader, tumawag umano sa kanya si Belmonte para hilingin na lumagda sa Coalition Agreement bukas (araw ng Linggo) o bisperas ng State of the Nation Address ni Presidente Duterte.
Kinumpirma rin ni LP Congressman at Marikina Rep. Miro Quimbo na isinantabi na ni Belmonte ang personal goal nito na maging lider ng Minorya sa Kamara.
Dagdag ni Quezon City Rep. Winston Castelo, hindi na itutuloy ni Belmonte ang pagsabak sa speakership o maging Minority Leader alinsunod sa concerns ng ibang mga miyembro ng LP.
Sinabi pa ni Castelo na sa pasya ni Belmonte, nangangahulugan na rin ang pagsuporta ng partido Liberal sa Duterte administration.
Sa ngayon, wala pang kumpirmasyon kung kailan at saan magaganap ang pagpirma sa coalition agreement sa pagitan ng LP at super majority.
Matatandaang ilang beses nang nag-usap sina Belmonte at Alvarez hinggi sa posibleng koalisyon.
Pero ayon kay Belmonte, sana raw ang patas ang pagtrato ng PDP-Laban sa LP; subalit ani Alvarez, masyado raw maraming request ang dating administration party.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.