Nagsagawa ng surprise drug test ang Bureau of Fire Protection-National Capital Region (BFP-NCR) sa mga tauhan nito bilang pagsuporta sa panawagan ni Pangulong Rodrigo Duterte na linisin ang hanay ng mga uniformed personnel.
Sa ulat ni BFP-NCR Director Chief Supt. Leonard Banago kay Department of Interior and Local Government Sercetary Ismael D. Sueno, umabot sa 81 personnel ang sumailalim sa drug test habang nasa 1st semester command conference meeting na ginanap Icon Hotel sa Timog Ave. Quezon City.
Ayon kay Banago, kasama sa mga sumailalim sa nasabing drug test ay mga City at District Fire Marshals, District Fire Safety Enforcement Section Chief at Regional Directorial staff.
Dagdag pa ni Banago walang lugar sa BFP-NCR ang mga tauhang sangkot sa iligal na droga.
Kapag napatunayang positibo sa ipinagbabawal na gamot ay mahaharap ang mga ito sa dismissal proceedings at sasampahan pa ng mga kaso.
Sinabi pa ni Banago na patuloy ang pakikiisa ng BFP-NCR sa laban sa iligal na droga sa Metro Manila at ang pagsasagawa na random at mandatory drug testing sa nasa 3,200 na mga empleyado nito ay bahagi ng nasabing kampanya.
Binigyang diin ni Banaho na dapat maging magandang ehemplo ang mga City at District Fire Marshals sa kanilang mga tauhan sa pagbibigay serbisyo sa mga nasasakupan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.