Nilinaw ni incoming Sen. Panfilo Lacson na hindi naman siya laban kay President-elect Rodrigo Duterte, tulad aniya ng sinasabi ni Sen. Alan Peter Cayetano.
Ito ang naging tugon ni Lacson sa komento ni Cayetano tungkol sa posibleng pagiging obstructionists ng bagong umuusbong na majority sa Senado, kung saan kabilang si Lacson.
Sa katunayan aniya, naniniwala siyang malaki ang maitutulong ni Duterte sa pagbawas ng krimen at katiwalian sa bansa.
Paliwanag pa ni Lacson, nag-komento siya tungkol sa umano’y pag-kontrol ni Duterte sa Kongreso, dahil nais niyang protektahan ang integridad at pagkakasarinlan ng Senado.
Aniya, sa palagay niya ay obligasyon niyang gawin lalo’t muli na siyang babalik sa Senado.
Tumanggi naman na siyang mag-komento sa aniya’y “political trickery” ni Cayetano.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.