Pacquiao, kabilang sa 100 highest-paid athletes ngayong 2016 ayon sa Forbes
Kasama pa rin si Filipino boxing icon Manny Pacquiao sa top 100 highest-paid athletes para sa taong 2016 ayon sa Forbes.
Sa website ng Forbes, nakasaad na si Pacquiao ay nasa rank 63 sa buong mundo.
Binanggit ng Forbes na ang salary/winnings ni Pacquiao ay nasa $21.5 million at mayroon pa siyang $2.5 million na kita sa endorsements.
Naungusan pa ni Pacquiao sa listahan sina Kevin Love ng Cleveland Cavaliers na nasa number 64 at nasa number 69 naman si Stephen Curry ng Golden State Warriors.
Pinangalanan din si Pacquiao bilang isa sa mga most popular athletes sa mundo batay sa ESPN survey.
Samantala, number 1 sa listahan ng Forbes si soccer superstar Cristiano Ronaldo na mayroong $56 million na salary/winnings at $32 million na kita sa endorsements.
Number 2 naman ang isa pang soccer superstar na si Lionel Messi na may salary/winnings na $53.5 million at $28 million sa endorsements.
Si NBA superstar na si Lebron James naman ng Cleveland Cavaliers ay nasa number 3 na mayroong $23.2 million sa kaniyang salary/winnings at $54 million sa endorsements.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.