Star forward ng Cavaliers na si Kevin Love hindi nakapaglaro sa Game 3 ng NBA finals
Hindi nabigyan ng “medical clearance” si Cleveland Cavaliers start forward Kevin Love para makapaglaro ngayong araw sa game 3 ng NBA finals.
Ito ay matapos na makaranas ng “concussion” si Love sa game 2 matapos mauntog kay Golden State Warriors forward Harrison Barnes.
Dahil ang likod ng ulo ni Love ang tinamaan, kinakailangan itong sumailalim sa mga pagsusuri base na rin sa protocol ng NBA.
Sinabihan na umano si Love na sa Game 4 na ito maaring makalaro.
Alas 9:00 ng umaga kanina oras sa Pilipinas nang maganap ang ikatlong paghaharap ng Cavaliers at Warriors.
Bago ang Game 3, nagwagi ang Warriors sa Game 1 at 2.
Maituturing na crucial game ito para sa Cavaliers at ayon kay Lebron James, gagawin nila ang lahat upang hindi mauwi sa 3-0 ang standing.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.