Libing ni boxing legend Muhammad Ali, nakatakda na sa darating na Sabado
Nakatakda ang paglilibing ng namayapang boxing legend na si Muhammad Ali sa darating na Sabado.
Bago ang libing, magsasagawa ng public memorial service para kay Ali na magsisimula ng alas dos ng hapon.
Sa nasabing memorial service, magbibigay ng eulogy si dating U.S. President Bill Clinton para kay Ali.
Bukod kay Clinton, magbibigay pugay rin sa dating three-time heavyweight boxing champion ang aktor na si Billy Crystal at broadcaster na si Bryant Gumbel.
Ngunit bago ang memorial service, magsasagawa muna ng funeral procession sa Louisville City na hometown ni Ali.
Sa edad na 74, pumanaw na ang tinaguriang “The Greatest” na si Ali dahil sa respiratory problems at komplikasyon sa kanyang Parkinson’s disease.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.