US spy plane dinikitan ng dalawang fighter jets ng China sa South China Sea
Dalawang tactical aircraft ng China ang dumikit sa isang spy plane ng Estados Unidos na lumilipad sa international air space sa bahagi ng South China Sea.
Tinawag ng Pentagon na “unsafe intercept” ang ginawa ng dalawang eroplano ng China.
Ayon kay Pentagon spokesman Major Jamie Davis, nagana pang insidente noong May 17.
Sa ngayon pinag-aaralan aniya ng US Defense Department ang naganap na insidente na mistulang paghahamon sa ginagawang pagpapatrol ng US sa lugar. “The Department of Defense is reviewing a May 17 intercept of a US maritime patrol reconnaissance aircraft by two tactical aircraft from the People’s Republic of China,” ayon kay Davis.
Sinabi naman ni Defense Department spokesperson Lt. Col. Michelle Baldanza, “routine patrol” ang ginagawa noon ng kanilang maritime patrol aircraft.
Dumikit umano ang dalawang Chinese fighter jets ng halos 50 feet na lamang ang layo sa US aircraft.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.