Sandro Marcos at Enchong Dee, nagsorry sa isa’t isa

By Dona Dominguez-Cargullo May 13, 2016 - 08:12 AM

grab from Twitter
grab from Twitter

Humingi ng paumanhin sa isa’t isa si Sandro Marcos at Enchong Dee.

Ito ay kaugnay sa post sa twitter ng aktor na si Enchong na bumabanat sa ama ni Sandro na si vice presidential candidate, Senator Ferdinand “Bongbong” Marcos.

Gamit ang kaniyang twitter account, nag-post si Enchong ng larawan ng sinusuportahan niyang kandidato na si Camarines Sur Rep. Leni Robredo at nilagyan ng caption na “A Marcos will and always be a Marcos #LabanLeni”.

Nag-reply sa nasabing post ni Enchong ang twitter account na @sandromarcos07 at sinabi namang “a gay will always be a gay”.

grab from twitter
grab from twitter

Pero ayon kay Sandro, isang bogus account niya ang sumagot sa tweet ni Enchong.

Dahil dito, agad na nag-tweet si Sandro kay Enchong para ipaliwanag dito na pekeng account niya ang nag-reply sabay hingi ng paumanhin sa aktor.

“Hey man, I understand that one of my fake accounts tweeted you, wanted to say i’d never say something like that. Apologies,” ayon kay Sandro.

Mabilis namang nagreply si Enchong at humingi rin ng paumanhin kay Sandro sa mga nasabi niya tungkol sa mga Marcos. “me too i apologize for what I’ve said, i guess i became too passionate with this election. My bad,” ayon sa twitter post ni Enchong.

 

 

TAGS: Sandro Marcos and Enchong Dee says sorry to each other, Sandro Marcos and Enchong Dee says sorry to each other

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.