Miyembro ng transition team ni Duterte may kani-kaniyang assignments na
May kani-kaniyang assignments nang tututukan ang mga miyembro ng transition team ni Davao City Mayor Rodrigo Duterte.
Sa post sa kaniyang facebook page, sinabi ni Peter Laviña, tagapagsalita ni Duterte na napagkasunduan ang mga assignment matapos ang pulong kahapon ng team.
Ayon kay Laviña siya ang tututok sa infrastructure development, si Maribojoc Mayor Jun Evasco sa social services and development, si Bong Go na chief of staff ni Duterte ang tututok sa security and peace and order, ang negosyanteng si Carlos Dominguez ang sa economic development, si Salvador Medialdea sa hudikatura at si Loreto Ata sa GOCCs.
Sa pulong ng transition team ni Duterte, kasama rin sina Rep. Bebot Bello, dating AFP Chief of Staff Hermogenes Esperon at si dating Press secretary Jess Dureza.
Kahapon binanggit na rin ni Dominguez ang 8-point economic agenda ni Duterte.
Kabilang dito ang pagpapatuloy sa kasalukuyang macroeconomic policies. Pero may mga ipatutupad aniyang reporma sa tax revenue collection efforts.
Ang pagtitiyak na ang bansa ay magiging kaaya-aya sa foreign direct investments.
Pagsusulong ng agricultural development strategy sa pamamagitan ng pagbibigay suporta sa mga magsasaka.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.