Jennifer Aniston, itinanghal na world’s most beautiful woman ng People’s Magazine
Ang Hollywood actress na si Jennifer Aniston ang itinanghal na world’s most beautiful woman ng entertainment weekly magazine na People.
Taun-taon ay pumipili ng pinakamaganda at pinakagwapong babae at lalaking celebrity ang People.
Katunayan noong 2004, napili na rin si Aniston ng People’s Magazine bilang most beautiful woman.
Ang 47-anyos na si Aniston ay naging tanyag sa kaniyang starring role sa long-running television sitcom na “Friends”.
Sinabi ni Aniston na masaya siya dahil siya ang pinili ng People at feeling teenager daw siya ulit. “I thought, ‘Oh my God. There was this sort of very excited, teenage-y kind of moment,” sinabi ni Aniston.
Sa ngayon, pinaghahandaan ni Aniston ang pinakabagong pelikula niya para sa “Mother’s Day”.
Siya ay ex-wife ni Brad Pitt at noong nakaraang taon ay nagpakasal sa American actor at director na si Justin Theroux.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.