Sen. Marcos, nanguna sa pre-vice presidential survey ng Pulse Asia
Si Senator Bongbong Marcos ang nanguna sa isinagawang bagong survey ng Pulse Asia na kinomisyon ng ABS-CBN.
Isinagawa ang survey April 5 hanggang 10 sa 4,000 mga respondent nationwide.
Nakakuha si Marcos ng 27 percent, habang statistically tied sa 2nd place sina Senator Francis Escudero na may 23 percent at si Rep. Leni Robredo na nakakuha ng 21 percent.
Si Sen. Gregorio Honasan naman ay mayroong 4 at si Sen. Antonio Trillanes IV ay 3 percent.
Bagaman bumaba ng pitong puntos sa Metro Manila ay si Marcos pa rin ang may pinakamataas na numero sa NCR dahil sa nakuha nitong 40 percent.
Si Marcos din ang nag-top sa Luzon at nakakuha siya ng 35 percent.
Sa senatorial race, sina Senators Franklin Drilon at Vicente Sotto III pa rin ang nangunguna, kasunod sina Senators Francis Pangilinan, Panfilo Lacson, at Juan Miguel Zubiri.
Sumunod sa ranking si people’s champ Manny Pacquiao, na sinundan nina Joel Villanueva at Sen. Ralph Recto, Sen. Serge Osmeña III, dating Sen. Richard Gordon, at Risa Hontiveros.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.