Shaquille O’Neal sumabak sa wrestling match
Maraming mga fans ng wrestling ang nagulat sa pagsulpot ng dating NBA superstar na si Shaquille O’Neal sa WrestMania 32 na may titulong “ Andre the Giant Memorial Battle Royal”.
Napuno ng ingay ang kabuuan ng AT&T Stadium sa Arlington Texas dahil sa sabay-sabay na hiyawan ng halos ay 100,000 katao nang makita sa ibabaw ng lona si O’Neal.
Hindi rin nagtagal sa laban ang 7’2’’ giant dahil pinagtulungan siya ng mga kalahok sa wrestlemania.
Nagpakita rin sa tila rumble na labanan sa ibabaw ng ring ang mga dating wrestling stars na sina Diamond Dallas Page at Tatanka.
Itinanghal naman na kampeon sa rumble si Baron Corbin makaraan niyang talunin ang higanteng si Kane.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.