P500 Million inilaan para sa mga apektado ng K-12 program
Naglaan ang Department of Labor and Employment ng P500 Million budget bilang tulong sa mga guro at mga non-teaching ng mga pampublikong paaralan na maapektuhan sa implementasyon ngayong taon ng K-12 program.
Sinabi ni Bureau of Local Employment Director Dominique Tutay na tatanggap ang mga guro at mga non-teaching personnel ng mula P7,000 hanggang P23,000 monthly provisional aid sa loob ng anim na buwan.
Ibinase umano ang kwenta sa mga ibibigay na tulong sa tinatawag na median salary per region.
Base sa pag-aaral ng DOLE, aabot sa 23,000 na mga guro at mga empleyado ng Department of Education at Higher Education Institutions ang direktang maapektuhan sa pagpapatupad ng K-12 program.
Tiniyak naman ni DOLE Sec. Rosalinda Baldoz na tutukan ng kanyang tanggapan ang mga beneficiaries ng nasabing programa ng kagawaran.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.