Bank records ng $81 Million na dirty money hawak na ng DOJ

By Chona Yu March 30, 2016 - 04:57 PM

RCBC
Inquirer file photo

Nasa kamay na ng Department of Justice ang mga bank records ng maanomalyang $81 Million accounts sa Rizal Commercial Banking Corporation (RCBC) na sentro ng imbestigasyon ng senado.

Ito’y matapos sampahan ng dalawang kasong paglabag sa Anti-Money Laundering Law sina dating RCBC Jupiter branch manager Maia Deguito, Kim Wong, at iba pang isinasangkot sa money laundering scam ng perang mula sa Bangladesh Central Bank.

Nakalakip bilang ebidensya sa kaso ang mga bank transaction para sa mga bank accounts ng mga nagngangalang Michael Francisco Cruz, Jessie Christopher M. Lagrosas, Alfred Santos Vergara, Enrico Teodoro Vasquez, at William Go.

Pero ayon sa DOJ, isusumite lamang ang bank records sa Senado kapag nagpadala ng formal request ang Blue Ribbon Committee na nangangasiwa sa imbestigasyon.

Dapat ding malinaw na nakasaad sa request kung anong mga bank records ang kailangan at may kalakip na clearance mula sa Anti-Money Laundering Council (AMLC).

Hawak ngayon ni DOJ Prosecutor Gil Pacamarra ang mga kasong isinamapa ng AMLC at nakatakda ang preliminary investigation sa April 12 at 19.

TAGS: Bluse Ribbon, DOJ, Money-Laundering, RCBC, Bluse Ribbon, DOJ, Money-Laundering, RCBC

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.