Pito, patay sa aksidente sa Marilog, Davao City
Patay ang pitong katao sa isang head-on collision sa pagitan ng isang dump truck at Nissan Bongo sa Marilog, Davao City kahapon ng Sabado.
Ayon kay Chief Inspector Andrea dela Cerna, tagapagsalita ng Southern Mindanao Regional Police, ang mga nasawi ay kinilalang sina Lajabangsa Merhamen Saipudon, Abdurahim Hanapi Jara, Tata Ljara, Sarang Alkarim Sali, Benjamin Villarojo Loculan Jr., at Danilo Hizona Calanza, lahat ay mga taga-Basilan at sakay ng Nissan Bongo.
Batay sa imbestigasyon ng mga pulis, sinabi ni dela Cerna na mabilis ang takbo ng Nissan Bongo sa kahabaan ng Davao-Bukidnon highway sa Sition Pagan Grande, Barangay Tamugan dakong 10:30 ng umaga.
Pero lumihis daw ito hanggang sa nakasalpukan ang dump truck.
Nasa kustodiya na ng otoridad ang tsuper ng dump truck, matapos ang aksidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.