Piskal ng Cebu City na nagwala sa kampo ng pulis, kinasuhan na
Sinampahan na ng patung-patong na kaso si Cebu City Assistant Prosecutor Mary Ann Castro matapos itong magwala sa loob ng compound ng Camp Sergio Osmeña.
Kasong direct assault, malicious mischief, grave coercion, oral defamation, resistance and disobedience ang isinampa laban kay Castro.
Si Castro ay inaresto ng mga pulis matapos magwala umano sa Regional Special Operations Group (RSOG) office sa loob ng Camp Sergio Osmeña.
Ayon kay PRO-7 Regional Intelligence Division acting chief Supt. Rex Derilo, isinailalim sa kanilang kostodiya si Castro matapos umanong ireklamo ng pangha-harass sa live-in partner ng kaniyang mister.
Sa imbestigasyon ng pulisya, si Maricel Gregory na sinasabing buntis ay dinala sa tanggapan ng RSOG matapos kusang sumuko dahil sa kinakaharap na warrant of arrest sa kasong libelo.
Si Gregory ay kinakasama umano ngayon ni Greco Sanchez na asawa ni Castro.
Habang nasa kostodiya ng RSOG si Gregory, dumating umano doon si Castro kasama ang apat na lalaki, winasak ang padlock ng RSOG at pinuntahan si Castro.
Ayon kay Derilo tinangka ni Castro na atakihin si Gregory at nanlaban pa ito sa mga pulis na na umawat sa kaniya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.