1 patay sa sunog sa Marikina City

By Chona Yu March 09, 2016 - 05:59 AM

fire-defaultPatay ang isang babae matapos masunog ang tiangge sa B.G Molina Street, Barangay Parang, Marikina City.

Nakilala ang biktima na si Rebecca Bagiwon – 54 anyos.

Sa panayam ng Radyo Inquirer kay Fire Officer 1 Leah Corpuz ng Marikina Fire Department, nagsmiula ang sunog kaninang alas 3:10 ng madaling araw at umabot lamang sa ikalawang alarma.

Ideneklarang fire out ang sunog alas 3:49 ng madaling araw.

Nabatid na dating playground ang lugar bago ito ginawang tiangge.

Ilan sa mga paninda sa tiangge ang mga kakanin at mga gamit sa bahay.

Sa ngayon ay nagsasagawa na ng imbestigasyon ang Marikina Fire Department kung saan nagsimula at kung ano ang sanhi ng sunog.

Inaalam pa ngayon ng mga awtoridad kung magkanong halaga ng mga ari-arian ang nasunog.

TAGS: one dead in a fire that hits commercial area in Marikina, one dead in a fire that hits commercial area in Marikina

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.