MILF kusang umiwas na maka-enkwentro ang Militar sa Maguindanao
Lumipat ng pwesto ang mahigit 1,000 mga miyembro ng Moro Islamic Liberation Front (MILF) para maiwasan ang misencounter sa pagitan nila at ng Militar sa pagpapatuloy ng operasyon laban sa Bangsamoro Islamic Freedom Fighter (BIFF) sa Datu Saudi Ampatuan, Maguindanao.
Ayon kay Director Carlos Sol Jr., head ng GPH coordinating committee on the cessation of hostilities secretariat, sa tatlong lugar inilipat ang mga kasapi ng MILF forces na kilala rin bilang Bangsamoro Islamic Armed Forces na nasa 1,737 ang bilang.
Pinalipat muna ang mga ito sa sitio Udsuran Brgy Kitago Datu Saudi Ampatuan, sitio Diate Brgy. Pamalian at Sitio Balbugan, Brgy. Pagatin, Shariff Saydona Mustapha, Maguindanao.
Kabilang umano ang pwersang ito sa 105th, 118th interim at national base commands ng MILF.
Nauna nang sinabi ng Militar na hindi sila titigil sa pagdurog sa pwersa ng BIFF na nasa likod ng ilang pag-atake sa ilang government installations sa Maguindanao.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.