Metro Mayors pumalag sa utos na maghakot ng tao para sa 30th EDSA anniversary
Pinagpapaliwanag ng Malacañang ang EDSA People Power Commission kung totoo ang lumalabas na balita na pinaghahakot nito ang mga local government units ng mga tao para dumalo sa ika-30 taong anibersaryo ng EDSA Revolution.
Base sa ulat, umaalma ngayon ang mga Metro Manila Mayors dahil bukod sa inoobliga sila na magpadala ng tig- dalawang daang libong katao sa EDSA sa February 25 mukhang sila rin ang sasagot sa gagastusin para dito.
Ayon kay Presidential spokesman Edwin Lacierda, ngayon niya lang narinig ang nasabing impormasyon.
Nasorpresa din si lacierda sa dami ng hinihinging tao mula sa mga LGUs kaya aalamin nila ito sa organizer ng nasabing okasyon.
Samantala, sinabi ni Lacierda na mahalaga para sa kanila ang paggunita sa anibersaryo ngayong taon ng unang People Power dahil ito na ang pang-huli sa ilalim ng Aquino administration.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.