Ikalawang oral argument sa petisyon ni Poe nagsimula na, Justice Caguioa hindi kasama sa pagdinig
Pasado alas-dos hapon ay nagsimula na ang ikalawang oral arguments kaugnay sa petisyon ni Sen. Grace Poe sa pagbasura ng Comelec sa kanyang Certificate of Candidacy (COC).
Si Poe ay kinatawan ng kanyang legal counsel na si Atty. Alexander Poblador kung saan ay si Associate Justice Marvic Leonen ang unang sumalang para sa interpellation.
Ipinaliwanag naman ni Supreme Court spokesman Atty. Theodore Te na hindi makakasama sa oral argument ngayong hapon si newly-installed Associate Justice Alfredo Benjamin Caguioa dahil hindi pa siya nakakapanumpa ng tungkulin kay Chief Justice Maria Lourdes Sereno.
Noong nakaraang January 22 ay nanumpa si Caguiao kay Pangulong Noynoy Aquino kasabay ng kanyang appointment bilang bagong Associate Justice ng Supreme Court.
Bago ang kanyang posisyon sa Mataas na Hukuman, si Caguioa ay naglingkod din ng ilang buwan bilang Justice Secretary kapalit ni dating DOJ. Sec. Leila De Lima.
Si Caguioa ay pang-anim sa mga nahirang na Mahistrado sa ilalim ng kasalukuyang administrasyon kung saan kabilang sina Associate Justices Marvic Leonen, Bienvenido Reyes, Estela Perlas-bernabe at Francis Jardeleza.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.