Sinibak na bilang head coach ng Cleaveland Cavaliers si David Blatt makaraang dumanas ng labing-isang sunud-sunod na talo ang nasabing NBA team.
Si Blatt ay papalitan ng kanyang assistant coach na si Tyron Lue.
Ayon kay Cavs General Manager David Griffin, kailangan nilang gumawa ng hakbang para mapanatili ang estado sa NBA.
“Every decision is made as an answer to the following question: Does it put us in the best postion to deliver championships to Northeast Ohio?”, paliwanag ni Griffin.
Nauna dito ay lumutang din ang mga report ng hindi pagkakaunawaan sa pagitan nina Blatt at LeBron James.
Samantala, lumagda na si Lue ng multi-year contract bilang coach ng Cavs.
Bago napasama sa coaching staff ng Cavaliers, si Lue ay dati ring naglaro sa NBA at naging assistant coach ng Boston Celtics at L.A Clippers.
Sa kanyang mga social media accounts ay nagpasalamat naman si Blatt sa pagkakataong pamunuan ang Cavs na nagdala sa kanila sa Championship match noong nakalipas na taon.
Si Blatt ay naging coach din ng Russian Team na nag-kampeon sa 2007 Eurobasket championship bukod pa sa bronze medal na kanilang nakuha sa 2012 London Olympics.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.