Pagpapasara sa 3 pribadong palengke sa Balintawak, ipinrotesta ng vendors
Nagsagawa ng kilos protesta ang mga may puwesto sa Balintawak dahil sa anila ay naka-ambang pagpapasara sa tatlong pribadong palengke.
Maagang humanay sa EDSA-Balinawak ang mga tindero at tindera bitbit ang mga placards na nagsasaad ng kanilang pagtutol sa closure order na nakatakdang isilbi ngayong araw.
Kabilang sa mga ipasasara ang MC market, Riverview market II at Cloverleaf market.
Ayon kay Quezon City market administrator Noel Soliven, ang mga ipasasarang palengke ay walang sanitary at building permits mula sa city hall.
Ang tatlong pribadong palengke ay wala aniyang sewage system treatment facility, consumer welfare desk, discharge permit mula sa Laguna Lake Development Authority (LLDA) at wala ring environmental certificate mula sa Department of Environment and Natural Resources.
Sinabi ni Soliven na ilang ulit silang nagpalabas ng notice sa may-ari ng mga palengke pero wala umano tugon ang mga ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.