Fil-Am wagi ng Golden Globe best animated film award
Itinanghal na best animated picture sa 73rd Golden Globe awards ang Pixar animated film na “Inside Out” na co-directed ng isang Filipino-American na si Ronnie del Carmen.
Nangibabaw ang “Inside Out” sa iba pang nominated na film animations na “Anomalisa,” “The Good Dinosaur,” “The Peanuts Movie” at “Shaun the Sheep Movie.”
Ayon kay Del Carmen, isang malaking karangalan ang pagiging bahagi ng team ni director Pete Docter at siyempre, ang pagwa-wagi nila ng Golden Globe award.
Hindi man personal na nakadalo sa event si Del Carmen dahil sa trabaho, ramdam na ramdam pa rin niya ang excitement habang pinanonood ang kanilang direktor na tinatanggap ang award.
Sa kaniyang tahanan sa California lamang nakapanood si Del Carmen ng nasabing event kasama ang kaniyang pamilya na proud na proud rin sa nasabing award.
Ito na ang ika-pitong Pixar movie na nanalo sa loob ng 10 taon simula nang mabuo ang nasabing award.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.