UN Security Council nagpatawag ng pulong dahil sa H-Bomb test ng NoKor
Kinumpirma ni United Nations Secretary General Ban Ki-moon na magsasagawa ng isang emergency meeting ang U.N Security Council makaraan ang ginawa ng North Korea na pagpapasabog ng underground Hydrogen Bomb.
Ang UN Security Council ay binubuo ng mga kinatawan mula sa permanent member countries na U.S, China, France, United Kingdom at Russia.
Nauna dito ay nagsagawa na rin ng biglaang pagpupulong ang Defense Department ng South Korea makaraan ang nasabing bomb testing na nagdulot ng Magnitude 5.1 na lindol sa Korean Peninsula.
Sinabi ni South Korean President Park Geun-hye na inihanda na nila ang kanilang buong military forces sakaling maulit ang provocations mula sa North Korea. Base sa report ng Intelligence Agency ng South Korea, tinatayang may lakas na 6.0 Kilotons ang pinasabog na Hydrogen Bomb ng North Korea.
May report din na nagdagdag na ng pwersa ang Seoul sa Dimilitarized Zone bilang paghahanda kung sakaling gumawa ng pag-atake ang NoKor.
Nananatili namang tahimik ang U.S sa nasabing pangyayari pero sinabi ng Pentagon na baka abutin pa ng ilang araw bago makumpirma ang sinasabi ng North Korea na tagumpay ang kanilang ginawang underground Hydrogen Bomb test.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.