Tatlong record sa Guinness nakuha sa New Year countdown sa Philippine Arena
Nakapagtala ang Iglesia ni Cristo (INC) ng tatlong Guinness Book of World Records kasabay ng pagsalubong sa taong 2016.
Nakuha ng INC ang Guinness Book of World Records para sa largest fireworks display, longest line of sparklers lit in a relay at ang most sparklers lit simultaneously.
Naganap ito sa ‘New Year Countdown to 2016’ na isinagawa sa Philippine Arena, Ciudad De Victoria sa Bocaue, Bulacan.
Halos isang daang libong katao ang dumalo sa New Year Countdown na inorganisa ng “Maligaya Development Corporation sa pamumuno ni Atty. Glicerio Santos IV, ang Chief Operating Officer at Chief Legal Counsel ng INC.
Tumagal ng isang oras ang fireworks display na nagsimula ng alas 12:00 ng hatinggabi at natapos ala 1:00 ng madaling araw ng January 1, 2016.
Hindi naman nagpatinag ang mga tao sa pag-ulan sa bisperas ng Bagong Taon dahil sa kagustuhan nilang masaksihan ang hakbang na makuha ang tatlong world records.
Opisyal namang idineklara ng dalawang kinatawan ng Guinness World Record na mula sa London ang naitalang record ng INC.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.