Mga mahistrado on-call para sa urgent session ng SC
Posibleng magsagawa ng urgent session ang mga mahistrado ng Supreme Court para talakayin at resolbahin ang mga petisyon na kailangan agad mapagpasyahan.
Iyan ang tiniyak ni Chief Justice Maria Lourdes Sereno bago mag-holiday break ang mga mahistrado ng Kataas-taasang Hukuman.
Aminado ang Punong Mahistrado na magiging unusual o kakaiba sa mga nagdaan nilang pasko dahil sa mga usaping pulitikal na ngayon ay posibleng i-akyat sa hukuman.
Isa na dito ang inaasahang petisyon ng kampo ni Senador Grace Poe matapos ibasura ng COMELEC en banc ang motion for reconsideration ng mambabatas para sa kanyang kandidatura sa halalan sa 2016.
Ngayong araw nagsimula ang Christmas break ng mga empleyado ng korte at balik trabaho sila sa December 28 habang half day naman sa December 29.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.