Miss Colombia, tinanggap na ang pagkapanalo ng Pilipinas sa Miss Universe Pageant

By Dona Dominguez-Cargullo December 23, 2015 - 10:14 AM

From Miss Colombia's IG Account
From Miss Colombia’s IG Account

Tanggap na ni Miss Colombia Ariadna Gutierrez na ang pambato ng Pilipinas ang nakapag-uwi ng Miss Universe 2015 crown.

Kung noong Lunes, nag-post pa si Miss Colombia ng larawan sa kaniyang Instagram account habang suot ang korona, ngayon ay nagpa-abot na ng pagbati sa Pilipinas si Gutierrez.

Sa kaniyang bagong IG post, sinabi ni Miss Colombia na nais niyang batiin ang Pilipinas sa pagkakaroon ng bagong Miss Universe.

Nagpasalamat din si Miss Colombia sa lahat ng nagbigay ng mensahe at sumuporta sa kaniya.

Ayon sa Miss Universe 1st runner-up, mapalad siyang makuha ang suporta hindi lang ng mga kababayan niya sa Colombia kundi maging ng buong mundo.

Dagdag pa ni Gutierrez, naniniwala siyang ito ang itinadhana para sa kaniya, at masaya pa rin siyang nakapagbigay siya ng kaligayahan sa kaniyang bansa matapos maging Miss Universe nang ilang minuto.

“After the storm comes the calm. I want to thank each and everyone of you who have sent messages of support and strength. Everyone has become an incredible human being in my book and I am the most fortunate and thankful for having the support not only from one country but from the whole entire world. Your destiny is written for you. And my destiny was this. I was able to bring happiness to my country after becoming Miss Universe for only a couple of minutes… Today because of that, COLOMBIA and the LATIN COMMUNITY are being talked about in every corner of the world. I also want to congratulate the Philippines for their new Miss Universe. The happiness that you must be feeling must be incredible. Life continues and in the future we will find out why things happen the way the happen. Thank you all for your LOVE, SUPPORT and KINDNESS,” ang kabuuang pahayag ni Miss Colombia sa kaniyang IG account.

Ang ibang followers ni Miss Colombia sa Instagram ay positibo ang komento sa nasabing post.

Pero may ibang hiniling kay Miss Colombia na humingi ng dispensa kay Miss Universe Pia Wurtzbach.

TAGS: Miss Colombia congratulates Philippines, Miss Colombia congratulates Philippines

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.