Kinumpirma ni Abu Misri Mama, tagapagsalita ng Bangsamoro Islamic Freedom Fighters na siya ay may sakit.
Ayon kay Mama, dumanas siya ng stroke noong nakaraang November 11 sanhi ng hypertension at heart disease na naging dahilan ng kanyang stroke.
Matatandaang noong nakaraang 2012, nakaranas din ng stroke ang founder ng BIFF na si Ustadz Ameril Umbra Kato.
Namatay si Kato sa unang bahagi ng taong 2015.
Ang BIFF ay breakaway group ng Moro Islamic Liberation Front noong 2008.
Ang grupo ang itinuturong pasimuno ng mga pag-atake sa North Cotabato at Lanao del Norte noong August 2008, makaraang magpalabas ng Temporary Restraining Order ang Supreme Court sa Memorandum Agreement on the Ancestral Domain o MOA-AD.
Ang MOA-AD ang naunsyaming kasunduan sana sa pagitan ng gobyerno sa pangunguna ni dating Pangulong Gloria Arroyo at Moro Islamic Liberation Front.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.