Mayorya ng mga Pinoy kuntento sa trabaho ni Senate President Tito Sotto

By Len Montaño October 17, 2018 - 03:05 AM

Napanatili ni Senate President Tito Sotto ang “very good” rating nito kung saan tumaas ito ng 1 punto sa ikatlong kwarter ng 2018 batay sa Social Weather Stations (SWS) survey.

Sa survey na ginawa mula September 15 hanggang 23, nagtala si Sotto ng +55 satisfaction rating na mas mataas sa +54 noong June 2018.

Ayon sa SWS, 68% ng mga Pilipino ay kuntento sa trabaho ni Sotto habang 13% ang hindi kuntento.

Sa survey noong Hunyo, 67% ang satisfied sa performance ng Senador at 12% ang dissatisfied.

Nagtanong ang SWS sa 1,500 respondents na may edad 18 anyos pataas kung saan 600 ang mula sa Balance Luzon at tig 300 mula sa Metro Manila, Visayas at Mindanao.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.