Senior Justices Lucas Bersamin at Diosdado Peralta tinanggap ang nominasyon bilang susunod na CJ

By Justinne Punsalang October 11, 2018 - 01:40 AM SHARE(S):

Dalawang associate justice ng Korte Suprema ang tinanggap na ang nominasyon upang maging bagong punong mahistrado.

Kinumpirma ni Justice Secretary Menardo Guevara na isang ex-officio member ng Judicial and Bar Council (JBC) na tinanggap nina Supreme Court Associate Justice Lucas Bersamin at Diosdado Peralta ang nominasyon para sa pagka-CJ.

Bukod sa dalawa, ay sinabi na rin ni Senior Associate Justice Antonio Carpio na wala nang dahilan para tanggihan niya ang nominasyon bilang susunod na chief justice ng Kataas-taasang Hukuman.

Nakasaad sa batas na ang mga pinaka-senior na hukom ng Supreme Court ay otomatikong nominado bilang punong mahistrado; kabilang dito sina Associate Justice Mariano del Castillo at Estela Perlas-Bernabe.

Nagretiro na si Teresita Leonardo-de Castro bilang punong mahistrado matapos nitong saglit na manungkulan sa posisyon dahil naabot na niya ang mandatory retirement age na 70 taong gulang.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.