Aftershocks naitala matapos ang magnitude 6.4 na lindol sa Manay, Davao Oriental

By Rhommel Balasbas September 09, 2018 - 05:55 AM SHARE(S):
Photo courtesy of Lyn Pang

Nakapagtala ng aftershocks ang Phivolcs matapos ang magnitude 6.4 n lindol sa Manay, Davao Oriental alas-3:16, Sabado ng hapon.

Alas-5:18 ng hapon nang tumama ang muli isang magnitude 3.6 na lindol sa bayan.

Alas-9:52 naman ng gabi nang tumama ang isang magnitude 3.0 habang pinakahuli ang isang magnitude 3.3 kaninang ala-1:15 ng madaling araw.

Matatandaang nauna nang sinabi ng Phivolcs na posible ang mga aftershocks dahil sa lakas ng pagyanig.

Sa magnitude 6.4 na lindol kahapon, naramdaman ang lakas na Intensity V sa Davao City at Mati City sa Davao Oriental; Intensity IV sa Koronadal City at Bislig City; Intensity III sa Tupi, South Cotabato; Alabel at Malapatan, Sarangani; at Intensity II sa Cotabato City at General Santos City.

Instrumental Instensity III ang naramdaman sa Alabel, Sarangani; Instrumental Intensity II sa Bislig City at Instrumental Intensity I sa General Santos City.

Batay naman sa mga mga litrato ng mga residente, nadulot ng mga pinsala ang lindol, gaya ng pagbitak ng sahig at pagkahulog ng kisame.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.