Mga hukuman sa bansa half-day lang ang pasok sa October 30
Naglabas ng advisory ang Supreme Court na nagdedeklarang half-day lamang ang pasok sa Biyernes, October 30.
Sinabi ni Supreme Court spokesman Atty. Theodore Te na nilagdaan ni Chief Justice Ma. Lourdes Serrano ang nasabing kautusan para mabigyan ng pagkakataon ang mga nasa hudikatura na makapag-handa para sa araw ng Undas.
Nakasaad sa court advisory na bukas ang mga hukuman sa Biyernes nang mula alas-otso ng umaga hanggang alas-dose ng tanghali lamang.
Sa Lunes, November 2 ay balik ang normal na operasyon ng Supreme Court at ng mga hukuman sa buong bansa base pa rin sa nilagdaang advisory ng Punong Mahistrado ng Supreme Court.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.