Lalaki sugatan matapos paputukan ng gwardya dahil pumasok sa riles ng MRT

By Jong Manlapaz August 15, 2018 - 10:25 AM

Inquirer Photo | Richard Reyes

Sugatan ang isang lalaki makaraang paputukan ng security guards ng MRT nang tumalon siya riles ng tren sa Makati City, Miyerkules (Aug. 15) ng umaga.

Kinailangang paputukan ang hindi pa nakikilalang lalaki upang siya ay ma-neutralize dahil sa pagpasok niya sa riles sa pagitan ng Ayala at Magallanes stations ng MRT northbound.

Batay sa impormasyon mula sa pamunuan ng MRT-3, alas 8:43 ng umaga nang nakitang naglalakad sa riles ang hubo’t hubad na lalaki na hinihinalang palaboy o taong grasa.

Nang lapitan siya ng mga security guard para pakiusapang lisanin ang lugar ay nakipambuno umano ang lalaki.

Dinala sa Magallanes station ang lalaki at agad nilapatan ng lunas.

Hawak naman na ng Makati Police ang security guard ng MRT na si Federico Bustamante na nakabaril sa lalaki.

Ang riles ng tren sa pagitan ng dalawang istasyon ay street-level kaya nagawang mapasok ng lalaki nang hindi dumadaan sa tamang entrance.

TAGS: Ayala Station, Magallanes station, MRT, Ayala Station, Magallanes station, MRT

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.