Yellow rainfall warning nakataas sa Metro Manila at 5 pang lalawigan

By Donabelle Dominguez-Cargullo August 13, 2018 - 06:32 AM

Nakataas pa rin ang heavy rainfall warning sa buong Metro Manila at sa mga kalapit nitong lalawigan.

Sa abiso ng PAGASA, alas 6:00 ng umaga, yellow warning level ang nakataas sa Metro Manila, Cavite, Bulacan, Zambales, Bataan at sa mga bayan ng Nasugbu, Tuy, Lian, Calatagan, Calaca, Lemery, at Laurel sa Batangas.

Ayon sa PAGASA, ang nararanasang pag-ulan sa nabanggit na mga lugar ay maarig magdulot ng pagbaha at landslides.

Samantala, mahina hanggang sa katamtaman at kung minsan ay malakas na buhos ng ulan naman ang nararanasan sa Tarlac, Pampanga, Laguna, Rizal at Northern Quezon at sa nalalabi pang bahagi ng Batangas.

Muling maglalabas ng rainfall advisory ang PAGASA mamayang alas 9:00 ng umaga.

TAGS: pagasa, yellow rainfall warning, pagasa, yellow rainfall warning

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.