Dry run sa pagbabawal ng “singles” sa Edsa, isasagawa ng MMDA
Magsasagawa ang Metropolitan Manila Development Authority (MMDA) ng isang linggong dry run para sa planong pagbabawal ng “singles” o “driver-only private vehicle” sa Edsa tuwing rush hour.
Ayon kay MMDA General Manager Jojo Garcia, epektibo ang pagbabawal sa driver-only vehicles sa Edsa simula August 15, mula 7:00 hanggang 10:00 ng umaga at 6:00 hanggang 9:00 ng gabi.
Dahil dito, hinikayat ang mga maaapektuhang motorista na humanap ng dadaanang alternatibong ruta sa mga nasabing oras.
Ito na ang ikalawang beses na susubukan ng MMDA ang pag-implementa ng panukalang high-occupancy vehicle (HOV) traffic scheme.
Layon nito na mabawasan ang bilang ng mga sasakyan sa Edsa.
Matatandaang umaani ng batikos ang naturang traffic scheme.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.