Umano’y drug pusher patay sa operasyon sa Lucena, Quezon
Dead-on-the-spot ang isang hinihinalang drug pusher habang arestado ang isa pa sa magkahiwalay na police operation sa Lucena City, Quezon.
Ayon sa pulisya, inaresto si Rainier “Migs” Nagadia sa bahagi ng Barangay Ibabang Iyam matapos mahulihan ng shabu sa pagbili ng isang pulis na nagsilbing drug buyer sa operasyon bandang 3:00, Linggo ng madaling-araw.
Dahil dito, nanlaban umano ang suspek na agad namang binalikan ng putok ng baril ng pulisya na nagresulta sa agarang pagkamatay nito.
Sa Barangay Dalahican naman, nahuli ng drug enforcement unit ng lugar at Philippine Drug Enforcement Authority (PDEA) ang suspek na si Nelson Hernandez na kilala rin bilang “Sawa.”
Armado ng search warrant ang otoridad sa bahay ni Hernandez at anak na si Ronel sa bahagi ng Purok 5 dakong 3:00 ng madaling-araw.
Batay sa ulat ng pulisya, sangkot umano si Ronel sa ilegal na droga ngunit wala sa kanilang bahay ng isagawa ang operasyon.
Nakumpiska sa bahay ni Hernandez ang siyam na pakete ng shabu na may bigat na 6.2 grams at isang digital weighing scale.
Kabilang ang mga suspek sa target na drug pushers na nagsusuplay ng shabu at marijuana sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.