Panukalang nagbabawal na gawing pribado ang mga pampublikong ospital lusot na sa kamara

By Erwin Aguilon August 01, 2018 - 12:52 PM

FILE PHOTO: Fabella Hospital / Erwin Aguilon

Aprubado na sa ikatlo at huling pagbasa ng kamara ang panukala na nagbabawal sa pagsasapribado ng mga ospital ng gobyerno.

Sa botong 218 na YES, zero na NO at 0 abstention ng mga kongresista pinagtibay ng mga ito ang House Bill 7437 na isinulong ng Bayan Muna Partylist.

Kapag naging batas, ipagbabawal na gawing pribadong ospital ang mga nasa pangangasiwa ng pamahalaan tulad ng Philippine Orthopedic Hospital, Fabella Hospital at Mental Hospital.

Bukod sa mga ospital, ipagbabawal din ang pagsasapribado ng iba pang public health facilities at health services.

Ayon sa pangunahing may akda ng panukala na si Bayan Muna Rep. Carlos Isagani Zarate, layon nito na garantiyahan ang karapatan ng mga mahihirap na mabigyan ng medical services ng pamahalaan.

Giit ni Zarate, dapat manatiling accesible, abot kaya at angkop sa mga pangangailangan ng sambayanan ang health care ng bansa.

Kaugnay nito, nanawagan naman si zarate sa senado na ipasa ang kaparehong punakala para ito ay kaagad maisabatas.

TAGS: Health, hospital, privatization, Radyo Inquirer, Health, hospital, privatization, Radyo Inquirer

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.